– એક કંજૂસની પત્ની બિમાર હતી. લાઈટ જતી રહી એટલે એણે મીણબત્તી સળગાવી હતી. માંદગી વધી જતાં એ ડૉક્ટરને બોલાવા નીકળ્યો. જતાં જતાં પત્નીને કહેતો ગયો : ‘હું ડૉક્ટરને લેવા જાઉં છું. જો તને એવું લાગે કે તું નહીં બચે તો મહેરબાની કરીને મરતાં પહેલાં મીણબત્તી ઠારતી જતી ‘
—————————————————————————————————————
– શિક્ષક : કહે જોઉં, દુષ્કાળ અને પૂરમાં જમીનઆસમાનનો ફરક છે, કઈ રીતે?

વિદ્યાર્થી : સર, દુષ્કાળમાં નેતાઓ કારમાં પ્રવાસ કરે છે, જ્યારે પૂરમાં હેલિકોપ્ટરમાં.
—————————————————————————————————————-
– શિક્ષક : ઉજ્જડ કોને કહે છે?

મયૂર : જ્યાં કશું જ ના ઊગે.

શિક્ષક : શાબાશ, એક ઉદાહરણ આપ.

મયૂર : જી, મારા ડેડીનું માથું.
—————————————————————————————————————-
– એક મૂરખ એની રિક્ષામાંથી મહામહેનતે પૈડું કાઢતો હતો તે જોઈને કોઈએ પૂછ્યું : ‘અરે મૂરખ, આ શું કરે છે?’

મૂરખ : દેખતાં નથી! અહીં લખ્યું છે : only for two wheelers.
—————————————————————————————————————-
– ભિખારી : ‘બહેન આઠા આના આલોને!’

બહેન : ‘અત્યારે શેઠ ઘરમાં નથી. ‘

ભિખારી : ‘ઘરમાં તમારી આઠ આના જેટલી પણ કિંમત નથી! ‘

🙂

Source :
http://www.scribd.com/doc/13747969/Gujarati-Jokes-Part-2