– દુ:ખ એ આત્માનું વિટામિન છે અને સુખ એ દેહનું વિટામિન છે

– સંકુચિત જ્ઞાન એ મત છે ને વિશાળ જ્ઞાન એ જ વિજ્ઞાન છે

– કલેશ કરાવનારું કોણ? અજ્ઞાન

– મતભેદનો અર્થ શો? ભીંત જોડે અથડાયો! આપણા માથાને વાગ્યું, તે ભીંતનો દોષ કે આપણો દોષ?

– મતભેદ થાય ત્યારે ઝઘડો થાય, મનભેદ થાય ત્યારે ડાઇવોર્સ થાય. તનભેદ થાય ત્યારે નનામી નીકળે

– સત્ય કોને કહેવાય? કોઈ જીવને વાણીથી દુ:ખ ના થાય, વર્તનથી દુ:ખ નાથાય અને મનથી પણ એને માટે ખરાબ વિચાર ના કરાય, એ મોટામાં મોટું સત્ય છે, મોટામાં મોટો સિદ્ધાંત છે! આ રિયલ સત્ય નથી, આ છેલ્લામાં છેલ્લું વ્યવહાર-સત્ય છે

– અભિમાન એટલે માનની જાહેરાત

– સહનશીલતા એ અહંકારનો ગુણ છે

– ધર્મમાં પૈસાનો વ્યવહાર બંધ થઈ જશે ત્યારે ધર્મ શોભા આપશે

– અશુભ ભાવથી પાપ બંધાય, શુભ ભાવથી પુણ્ય બંધાય અને શુદ્ધ ભાવથી મોક્ષ

સૌજન્ય : લઘુ આપ્તસૂત્રમાંથી